ABŞ və İsrail İrana qarşı hərbi əməliyyatların mümkün bərpasına fəal şəkildə hazırlaşır.
Millətin Səsi.az xəbər verir ki, bu barədə “The New York Times” öz mənbələrinə istinadən yazıb.
Qəzetin yazdığına görə, İslam Respublikası gələn həftə yeni hücumlara məruz qala bilər.
NYT xəbər verir ki, ABŞ prezidenti Donald Trampın müşavirləri yeni zərbələr üçün planlar hazırlayıblar, lakin Amerika lideri hələ yekun qərar verməyib. Məlumata görə, Trampın nəzərdən keçirdiyi variantlar arasında İranın daha aqressiv bombalanmasına keçid və İranın nüvə obyektlərindən zənginləşdirilmiş uranın çıxarılması üçün xüsusi qüvvələrin quru əməliyyatı daxildir.
