NATO-nun “Bombardier Challenger 650 Artemis II” kəşfiyyat və hədəf toplama təyyarəsi yenidən Qara dənizin cənubundakı neytral sular üzərində uçuş həyata keçirir.
Millətin Səsi.az xəbər verir ki, bu barədə AB hava nəqliyyatının idarə olunması dairələrindəki mənbə TASS-a bildirib.
Mənbə bildirib ki, Rumıniyanın Konstansa şəhərindən yola düşən təyyarə hazırda 10 kilometrdən çox hündürlükdə Qara dəniz üzərində uçur. O əlavə edib ki, uçuş marşrutu mülki aviasiya üçün nəzərdə tutulmuş dəhlizlərdən istifadə etmədən qərbdən şərqə və geriyə doğrudur.
Mənbə uçuşun məqsədini açıqlamayıb, lakin qeyd edib ki, eyni təyyarə ötən həftə ardıcıl iki gün Kalininqrad vilayəti ətrafında Litva və Polşa hava məkanından, eləcə də Baltik dənizinin neytral suları üzərindəki sektorlardan istifadə edərək dövrə vurub. O, həmçinin Baltikyanı ölkələr üzərindən uçaraq Latviya, Litva və Estoniyanın mərkəzi bölgələri üzərində bir neçə dövrə vurub. Lakin Rusiya və Belarus sərhədlərinə yaxınlaşmayıb.
“Bombardier Challenger 650 Artemis II” son aylarda Qara dəniz üzərində dəfələrlə müşahidə olunub, hətta bir neçə uçuş əvvəllər nadir hallarda baş verən həftəsonları da həyata keçirilib.
