UEFA Konfrans Liqasının pley-off mərhələsinin cavab oyunu çərçivəsində “Qarabağ”ın qonağı olacaq “Tvente” Bakıda azarkeşsiz qalmayacaq.
Milletinsesi.az xəbər verir ki, bu barədə Qol.az-a istinadən “Qarabağ”ın mətbuat xidmətinin rəhbəri Anar Hacıyev məlumat verib.
Onun sözlərinə görə,Tofiq Bəhramov adına Respublika stadionunda keçiriləcək qarşılaşmaya Niderland klubunun təqribən 100-150 azarkeşinin gələcəyi gözlənilir.
“Qarabağ” – “Tvente” görüşü avqustun 27-də keçiriləcək və saat 20:00-da başlayacaq. Komandaların Niderlandda oynanılan ilk görüşündə “Qarabağ” 1:0 hesabı ilə qalib gəlib.
