İslam şəriətinə görə, nəcis (murdar) sayılan maddələr risalələrdə ətraflı izah edilib. Məni (sperma) da bura aiddir. Məninin dəydiyi hər yer paklanmalıdır. Hətta cinsi yaxınlıqdan sonra istibra adlı əməli yerinə yetirmək və pak olmaq lazımdır ki, bədəndə qalmış məninin qalıqları çıxıb, bədəni və paltarı bulamasın.
Milletinsesi.az islam.az-a istinadən bildirir ki, bu, cəfəri məzhəbinə aid olan hökmdür. Müasir müctəhidlərin hamısı mənini nəcis sayırlar. Əhli-sünnə məzhəbində isə məni murdar sayılmır və onunla bulaşmış yeri pak etmək tələb edilmir. Əhli-sünnə məzhəbinin alimləri bu barədə Peyğəmbərin (s) bəzi hədislərinə və səhabələrin davranışına istinad edirlər. Lakin cəfəri məzhəbi baxımından bu dəlillər tutarsızdır.
