Mbappedən daha bir rekord

PSJ-nin hücumçusu Kilian Mbappe daha bir  rekorda imza atıb.

Qol.az xəbər verir ki, 20 yaşlı forvardın rekordu Fransa Liqasının 18-ci turunda  “Sent-Etyen”lə görüşdə qeydə alınıb.

Mbappe 4:0 hesablı qələbə qazandıqları görüşdə dubl edib və  bununla da Liqa1-də 70 qol həddinə çatan ən gənc futbolçu kimi çempionatın tarixinə düşüb. Hazırda 20 yaş 359 günlüyündə olan Kilian 1975-ci ildə bu rekorda imza atan Bernardo Lakombanı (22 yaş 163 gün) qabaqlayıb.

Xatırladaq ki, Kilian Mbappe bundan əvvəl karyerası ərzində ən tez 100 qol vuran futbolçu kimi Lionel Messi və Kriştiano Ronaldonu üstələmişdi.

Share: