ABŞ nümayəndə heyəti sabah Bakıya gəlir

ABŞ nümayəndə heyəti sabah Bakıya gəlir

ABŞ-Azərbaycan İqtisadi Tərəfdaşlıq Komissiyasının sabah 4-cü iclası keçiriləcək.

Milletinsesi.az xəbər verir ki, bununla bağlı məlumatı Maliyyə Nazirliyinin mətbuat katibi Mais Piriyev paylaşıb.

O bildirib ki, mayın 17-də keçiriləcək iclas Bakıda baş tutacaq.

Komissiyanın gündəliyinə iki ölkə arasında ticarət əlaqələrinin inkişafı və gücləndirilməsi, investisiya imkanları, Azərbaycanda həyata keçirilən iqtisadi islahatlar, habelə turizm, vergi, gömrük, kənd təsərrüfatı, ərzaq təhlükəsizliyi, əmək məsələləri, əqli mülkiyyət və digər sahələrdə əməkdaşlığa dair məsələlər daxil edilib.

İclasda, həmçinin Azərbaycan və Birləşmiş Ştatlar arasında iqtisadi tərəfdaşlığın mövcud vəziyyəti, Komissiyanın 3-cü iclasından sonrakı dövrdə görülmüş işlər və əlaqələrin genişləndirilməsi perspektivləri müzakirə olunacaq.

İclasda iştirak etmək üçün ABŞ Dövlət katibinin iqtisadiyyat və biznes məsələləri üzrə köməkçisinin 1-ci müavini Peter Haasın başçılıq etdiyi nümayəndə heyəti Bakıya gələcək.

Share: