Ermənistanın Baş naziri Nikol Paşinyan ölkənin silahlı qüvvələrinin baş qərargah rəisi Onik Qasparyanı istefaya göndərib.
Bu barədə o, yüksək rütbəli erməni hərbçilərin baş nazirinin istefasını tələb edən ortaq açıqlamasından dərhal sonra “Facebook”da canlı yayımda bildirib.
“Vəziyyət çox çətindir. Baş Qərargah rəisinin və onun birinci müavininin vəzifəsindən kənarlaşdırılması barədə qərar verdiyimi bilirsiniz. Bu qərarların səbəbini açıqlayacağam. İndi ən vacib vəzifə vətəndaş və xalq hakimiyyətinin qorunmasıdır”, – deyə o qeyd edib.
