Türkiyənin “Qalatasaray” və “Akhisarspor” klubları arasında keçiriləcək superkubok oyununun vaxtı və yeri müəyyənləşib.
Qol.az xəbər verir ki, Türkiyə Futbol Federasiyasının İcraiyyə Komitəsi qarşılaşmanın bu ilin avqust ayının 7-də keçirilməsinə qərar verib. Görüş “Ankara Eryaman” stadionunda təşkil olunacaq və yerli vaxtla 20:45-də başlayacaq.
Xatırladaq ki, “Qalatasaray” 2018/19 mövsümündə həm Superliqanın, həm də ölkə kubokunun qalibi olub. “Akhisarspor” isə Türkiyə kubokunun finalçısı kimi superkubok matçında mübarizə aparmaq hüququ qazanıb.
