Azərbaycan xalçaları artıq beynəlxalq onlayn platformalardan biri olan “Shopify”da satışa çıxarılıb.
Bunu “Azərxalça” ASC-nin sədri Emin Məmmədov deyib.
O bildirib ki, ABŞ mərkəzli bu platformada xalçalara daha çox tələb var:
“Məqsədimiz Azərbaycan xalçalarını daha çox insanın görməsi və almasıdır. Bu platforma həmçinin logistikanı təmin edir və xalçalar müxtəlif ölkələrə çatdırılır”, – deyə E. Məmmədov bildirib.
Qeyd edək ki, Azərbaycan xalçalarının “Amazon” və bu kimi dünyanın digər onlayn alış-veriş platformalarında satışı ilə bağlı da danışıqlar aparılır.
