BIGtheme.net http://bigtheme.net/ecommerce/opencart OpenCart Templates
Bazar ertəsi , Sentyabr 23 2019

“Neftçi”nin futbolçusu “Sumqayıt”dan üzr istəd


“Neftçi”nin futbolçusu Anton Krivotsyuk Premyer Liqanın III turunda “Sumqayıt”la matçın sonlarında iştirak etdiyi insidentdə hərəkətinə görə üzr istəyib.

Qol.az xəbər verir ki, millimizin də üzvü olan gənc müdafiəçi bununla bağlı “İnstagram” hesabında üzrxahlıq mətni yazıb:

“Bütün azarkeşlərdən və rəqib komandaya aiddiyatı olan insanlardan üzr istəyirəm. Qoldan sonra bunu həddən artıq qeyd etməyimə görə üzrxahlıq edirəm. Biz hamımız insananıq, emosiyalarımız var. Ancaq xahiş edirəm ki, rəqibin futbolçularının və ya məşqçilər korpusunun ünvanına hansınsa sözləri deməyimlə bağlı insanlara yalan informasiyanı çatdırmayın. Videoyazı var, orda dəqiq görünür ki, qoldan sonra nə baş verdi. Qolun qeyd olunması vardı, söz yox. Özümü əldən buraxdım və buna müvafiq olaraq cəzalandırılacağam”.

Xatırladaq ki, qarşılaşmaya əlavə olunmuş dəqiqələrdə “Neftçi” qələbə topunu vurarkən meydanda ara qarışıb. “Sumqayıt”ın kapitanı Vurğun Hüseynov qeyri-etik jest edən Anton Krivotsyukun üzərinə gedərək onun başına sillə vurub. Nəticədə Anton ikinci sarı vərəqə, Vurğun isə birbaşa qırmızı vərəqə ilə meydandan qovulub.