Vaşinqton administrasiyası hazırda Kuba ilə bağlı növbəti addımlar üçün bütün variantları, o cümlədən hərbi müdaxiləni nəzərdən keçirir.
Millətin Səsi.az xəbər verir ki, bu sözləri ABŞ-ın müdafiə naziri Pit Hegset Panama şəhərində jurnalistlərə açıqlamasında bildirib.
Karib dənizi respublikasına qarşı ABŞ-ın hərbi müdaxilə ehtimalı ilə bağlı sualı cavablandırarkən o deyib: “Bütün variantlar, o cümlədən hərbi variantlar masadadır”.
Hegset əlavə edib: “Düşünürəm ki, Kuba üçün ABŞ Prezidenti Donald Trampın Amerikanın strateji maraqlarını və üstünlüklərini təmin etmək əzminə diqqət yetirmək ağıllı bir addım olardı”.
O, həmçinin qeyd edib ki, ABŞ-ın Kuba ilə bağlı gələcək addımlar üçün “çoxsaylı variantları” mövcuddur.
Qeyd edək ki, martın 5-də ABŞ Prezidenti Donald Tramp bəyan edib ki, Vaşinqton İrana qarşı əməliyyat başa çatdıqdan sonra Kuba ilə bağlı növbəti fəaliyyət kursunu müəyyənləşdirmək niyyətindədir. Fevralın 27-də Ağ Ev ABŞ-ın Kubaya nəzarəti ələ ala biləcəyini açıqlayıb. Mayın 18-də “Politico” nəşri məlumat yayıb ki, ABŞ hökuməti Kubaya qarşı hərbi güc tətbiq etmək variantına getdikcə daha çox meyil edir. İyun ayında “Axios”a verdiyi müsahibədə ABŞ lideri Kubada rejim dəyişikliyi əməliyyatının həyata keçirilməsi ehtimalını da gündəmə gətirib.
