İranın şənbə və bazar günlərində İsrailə pilotsuz təyyarə və raket atıb.
Moderator.az xəbər verir ki, İsrailin Qərb müttəfiqləri – ABŞ və Böyük Britaniya Tehranın cavab zərbəsini dəf etməkdə iştirak ediblər.
İran İsrailə doğru yüzlərlə pilotsuz uçuş aparatı və qanadlı raketlər atıb. Bu, aprelin 1-də Suriyanın paytaxtı Dəməşqdə İranın diplomatik binasına endirilən və İran Korpusunun yüksək rütbəli rəsmisinin ölümünə səbəb olan zərbəyə cavab olaraq İslam Respublikasının yəhudi dövlətinə ilk birbaşa hücumu oldu.
“The Guardian” yazır ki, İran İslam İnqilabı Keşikçiləri Korpusu “Doğru vəd” əməliyyatı çərçivəsində İsraildəki “xüsusi hədəflərə” ballistik raketlər atdığını bildirib.
Raketlərin ilk dalğası yerli vaxtla səhər saat 2 radələrində İsrailə çatıb. Ölkə boyu bir neçə yerdə səmada görünən və eşidilən partlayışlar səsləri dünya mediasına yayıldı. Təl-Əviv, Qüds və İsrailin nüvə zavodunun yerləşdiyi səhra şəhəri Dimonanın hamısı hücuma məruz qaldı.
İranın dövlət mediasının İran raketlərinin bazaya “ağır zərbələr vurduğunu” bildirməsindən sonra İsrail Müdafiə Qüvvələrinin sözçüsü Daniel Hagari bazar günü deyib ki, İranın zərbələri İsrail bazasına “kiçik ziyan” vurub. “Cənubdakı hərbi bazaya və infrastruktura cüzi ziyan vurmaqla yalnız bir neçə raket İsrail dövlətinin içərisinə düşdü”.
