Ermənistanda daha bir məmur korrupsiyada ittiham olunur.
Modern.az “Sputnik Armenia”ya istinadən xəbər verir ki, bu dəfə söhbət Ermənistanın paytaxtı İrəvan şəhərinin sabiq vitse-meri Vahe Nikoyandan gedir.
Belə ki, Korrupsiyaya Qarşı Mübarizə Məhkəməsi Nikoyan barəsində iş çərçivəsində daha bir iddianı baxılması üçün qəbul edib.
Bildirilib ki, iş qanunsuz yolla əldə edilmiş əmlakının müsadirəsi ilə bağlıdır.
Hazırda araşdırmaların davam etdirildiyi qeyd olunub.
