Fransanın ən güclü su elektrik stansiyasının fəaliyyəti etiraz əlaməti olaraq dayandırılıb.
Milletinsesi.az Trend-ə istinadən xəbər verir ki, stansiyanın əməkdaşları Fransa hökumətinin təklif etdiyi pensiya islahatına etiraz olaraq bu addımı atıb.
Ölkənin cənub-şərqindəki İzer deparamentində yerləşən “Grand’Maison” su elektrik stansiyası Fransada istifadə olunan bütün su elektrik stansiyalarının istehsal gücünün 9 faizini təşkil edir.
Hələlik stansiyanın işinin dayanmasının nəticələri barədə məlumat veirlməyib.
Qeyd edək ki, Fransada təklif olunan pensiya islahatları ilə bağlı tətil və etirazlar uzun müddətdir ki, davam edir.
