Gəncə Dövlət Universitetində “AZMUN –ölkəmizdə BMT Modeli klubları şəbəkəsinin fəaliyyətinin dəstəklənməsi “ proqramı çərçivəsində məlumat sessiyası keçirilib.
Modern.az xəbər verir ki, GDU Tələbə Gənclər Təşkilatının təşkilatçılığı ilə keçirilən tədbirdə tələbələrə BMT Modeli klubları haqqında məlumat verilib.
Tədbirə online qatılan “AzMUN” proqramının rəhbəri Leyla Məmmədzadə qeyd edib ki, bu cür klubların yaradılmasında əsas məqsəd gənclərimizin potensialını üzə çıxarmaqdır. Eyni zamanda BMT Modeli konfranslarında iştirak tələbələrə ictimai nitq, diplomatiya, liderlik bacarıqlarını qazandırmasında əhəmiyyətə malik olması vurğulanıb.
Tədbirdə tələbələri maraqlandıran suallara cavab verilib.
