Zülmün lüğətdəki mənası ədalətsiz iş görmək və mötədil haldan xaric olmaqdır. Zülmün başqa bir mənası isə başqalarına ziyan vurmaqdır. İncitmək və ya vurmaq kimi, söyüş söyüb hədələmək kimi, söz gəzdirmək kimi və haqsız yerə kiminsə malını qarət etmək kimi…
Milletinsesi.az deyerler.org-a istinadən bildirir ki, bu əməllər başqalarını incidər və onlara əziyyət verər. Ona görə də zülm adlandırılmışdır.
Bəs zülmün amilləri nədir? Nə üçün insan başqalarına zülm edər?
Dinimizin nəzərinə görə zülmün amilləri bunlardır:
1. Məqam istəyində olmaq. Bəzi insanlar hansısa vəzifəyə çatmaq üçün heç kəsə rəhm etməzlər və bu yolda başqalarına zülm edərlər.
2. Kobudluq və kin bəsləmək. Bəzi insanlar o qədər zatən çirkindilər ki, zəif insanları incitməkdən ləzzət alarlar. Hər nə qədər başqalarına daha çox əziyyət versələr, bu ləzzətləri şiddətlənər.
3. Özünü bəyənmək. Bəzən insanlar başqalarına özlərini həddən artıq bəyəndiklərinə görə əziyyət verərlər.
4. Təkəbbür. İmam Əli (ə) xütbələrindən birində zülmün səbibini insanların özünə nisbət verir və buyurur ki, insanlar ədalətin üzərinə o qədər zülmət salıblar ki, haqq yolundan azıblar. Bunun da səbəbi təkəbbürdür.
5. Zalımlar qarşısında sükut etmək. Quran ayələri buyurur ki, hər kim başqasının zülmü qarşısında sükut edər və ona razı olar – zülmün əzabında zalımla şərik olar. (Beytutə)
Allah Təala bu rəzil sifətdən cəmi möminləri uzaq etsin!
