Fevralın 7-də keçirilən prezident seçkilərindən sonra hökumətin yeni tərkibi təsdiqlənsə də, kabinənin iki üzvü – Ədliyyə naziri Fikrət Məmmədov və Dini Qurumlarla İş üzrə Dövlət Komitəsinin sədri Mübariz Qurbanlı tutduqları postlarla vidalaşmalı oldular.
Hakimiyyət komandasındakı dəyişiklik bununla yekunlaşmayacaq. İqtidar təmsilçilərindən biri saytımıza bildiirb ki, yaxın vaxtlarda bir neçə icra başçısı da yola salınacaq.
Mənbə vəzifədən gedəcək icra başçılarının siyahısının hazır olduğunu bildirib. Qeyd edib ki, ilkin mərhələdə yaşı 70 və 70-dən yuxarı olan icra başçılarının vəzifədən azad edilməsi nəzərdə tutulur:
Məlumatlı şəxs yaxın bir ayda yola salınacaq icra başçılarının siyahısını saytımıza təqdim edib:
1. Şuşa şəhərinin icra başçısı Bayram Səfərov – 1951-ci ildə anadan olub, 73 yaşı var.
2. Qobustan rayonunun icra başçısı Adil Məmmədov – 1952-ci ildə anadan olub, 72 yaşı var.
3. Qubadlı rayonunun icra başçısı Malik İsaqov – 1953-cü ildə anadan olub, 71 yaşı var.
4. Xocalı rayonunun icra başçısı Şahmar Usubov – 1953-ci ildə anadan olub, 71 yaşı var.
5. Ağdaş rayonunun icra başçısı Tofiq İbrahimov – 1954-cü ildə anadan olub, 70 yaşı var.
6. Siyəzən rayonunun icra başçısı Novruz Novruzov – 1954-cü ildə anadan olub, 70 yaşı var.
7. Sumqayıt şəhərinin icra başçısı Zakir Fərəcov – 1954-cü ildə anadan olub, 70 yaşı. Son vaxtlar səhhətində yaranmış problemlərlə bağlı tez-tez gündəmə gəlir./Yenisabah.az
