Böyük Britaniyanın keçmiş kraliçasının qarderobunda xidmət edən Anjela Kelli dostlarına bildirib ki, Kraliça II Elizabet məktubunda üç kitab nəşr etməyə icazə verib.
Kelli iddia edir ki, II Elizabet bununla bağlı yazılı icazə verib, hansı ki, bu, III Çarlzın xoşuna gəlməyə bilər. O hesab edirdi ki, müəllifin son kitabında intim detallar həddən artıqdır. Məsələn, yenilənmiş nəşrə 2021-ci ildə Edinburq hersoqunun ölümündən sonra kraliçanın bu mərhələni necə yaşadığının detalları daxildir.
Anjela Kelli artıq iki kitab yazıb və kralla gizlilik müqaviləsi imzalayıb. Bu, mərhum kraliçanın qarderob xidmətçisinə kitablarda “saray” və “kral” sözlərindən istifadə etməyi qadağan edir, eyni zamanda Kellinin daha bir kitab nəşr etdirmək ümidinə son qoyur.
Lakin mənbələr qeyd edirlər ki, Kelli kitabları nəşr etmək üçün mərhum kraliçanın yazılı razılığını əldə edib və bu, məlumatın açıqlanmaması haqqında müqavilədən üstün ola bilər.
“Bu, çox vacibdir, çünki o, kraliçanın istəklərini ehtiva edir və heç kim onları görməzdən gəlmək istəmir”, – deyə bildirilir.
Mənbə: Express.co.uk
