2024-cü il fevralın 1-dən Ermənistan Respublikası və BƏƏ vətəndaşları üçün giriş vizası tələblərinin qarşılıqlı ləğvi haqqında Protokol qüvvəyə minəcək.
Moderator.az xəbər verir ki, bu haqda “Armenian Today” məlumat yayıb.
Sözügedən protokola əsasən, 2024-cü il fevralın 1-dən etibarən Ermənistan vətəndaşları BƏƏ-yə giriş vizası və ya rüsum olmadan daxil ola, çıxa və səyahət edə bilərlər. Ermənistan vətəndaşının pasportu BƏƏ-yə gəldiyi gündən ən azı 6 ay etibarlı olmalıdır.
Ermənistan vətəndaşlarının BƏƏ-də maksimum 90 gün, hər 180 gündən bir qalmasına icazə verilir.
Xatırladaq ki, Azərbaycan və BƏƏ arasında viza rejimi 2023-cü ilin mayından ləğv edilib.
S.Laçın
