Polşa ABŞ-la kritik faydalı qazıntılar sahəsində strateji tərəfdaşlıq haqqında ikitərəfli saziş imzalayıb.
Millətin Səsi.az xəbər verir ki, Polşa Brüssellə bağlanmış çərçivə memorandumundan sonra belə sənədi Vaşinqtonla imzalayan ilk ölkə olub.
“Polşa, Aİ [Ticarət Komissarı] Maros Şefçoviç və ABŞ [Dövlət Katibi] Rubio tərəfindən bir həftə əvvəl imzalanmış sazişi tamamlayan kritik minerallar üzrə Birləşmiş Ştatlarla ikitərəfli saziş imzalayan ilk Aİ Üzv Dövləti oldu”, – nazirlik X-dəki hesabında yazıb.
Aprelin 24-də ABŞ və Aİ kritik minerallar sahəsində strateji tərəfdaşlıq haqqında memorandum imzalayıblar. Müqavilə Qərb ölkələrinin Çindən olan resurslardan asılılığını azaltmağa yönəlib. Bu günə qədər Çində nadir torpaq metallarının 80%-dən çoxu hasil edilir.
