“Barselona”nın kapitanı Lionel Messi klubu ilə müqaviləsini yeniləməyə tələsmir.
Qol.az “Marca”ya istinadən xəbər verir ki, argentinalı hücumçu qərar vermək üçün münasib vaxt olmadığını düşünür.
Onun mövsümün sonunda Kataloniya klubu ilə danışıq aparmaq niyyətində olduğu bildirilir. Messi həmin vaxt hansı fiziki formada olmasını və klubun vəziyyətini görmək istəyir.
Ancaq 32 yaşlı futbolçunun hazırkı müqaviləsinin sonuna qədər – 2021-ci ilin yayınadək “Barsa”da qalacağı gözlənilir.
Qeyd edək ki, “Barselona”nın prezidenti Xosep Bartomeu bir müddət əvvəl Messiyə ömürlük müqavilə təklif edəcəklərini açıqlayıb.
