Vaşinqtonun müttəfiqləri hazırda İranla münaqişədə ABŞ-a birbaşa hərbi yardım göstərməyə hazır deyillər.
Millətin Səsi.az xəbər verir ki, bu barədə “Politico” diplomatik mənbələrə istinadən məlumat yayıb.
Məlumatda qeyd olunur ki, ” ABŞ Prezidenti Donald Tramp administrasiyası sürətlə nəzarətdən çıxan münaqişəyə son qoymaq üçün onların köməyinə ehtiyac olduğunu iddia etsə də, Amerikanın dünyadakı bir çox müttəfiqi İran müharibəsini gözləməyə üstünlük verirlər.
“ Politico” qeyd edir ki, “Avropa və Asiya diplomatları Vaşinqton və Tehran bir-birinə atəş açmağı dayandırmağa razılaşana qədər ölkələrinin vətəndaşlarının təhlükəsizliyini riskə atmağa hazır olmadığını bildiriblər”.
Məqalədə qeyd olunur ki, “ənənəvi ABŞ tərəfdaşları Vaşinqtondan davamlı atəşkəs və ya digər vədlər alana qədər hər hansı birbaşa dəstəkdən ehtiyat edirlər”. Qəzetin mənbələrindən biri, avropalı diplomat qeyd edib ki, ABŞ Baltikyanı ölkələrdə hərbi mövcudluğunu gücləndirməyə razı olarsa, ölkəsi İranla münaqişədə ABŞ-ı daha fəal şəkildə dəstəkləyəcək.
