Estoniyada son sutka ərzində koronavirusa (COVID-19) yoluxanların sayı 35 nəfər artaraq 404-ə çatıb.
Bu barədə Estoniya Səhiyyə Departamenti məlumat yayıb.
Məlumata görə, epidemiyanın yayıldığı tarixdən bəri ölkədə 4 min 809 nəfər müayinə olunub.
Bildirilir ki, son sutka ərzində 768 nəfərdən 35-nin nəticəsi müsbət çıxıb.
Virusa yeni yoluxma hallarının artacağı istisna olunmur.
Qeyd edək ki, ölkədə bu günə qədər COVID-19-dan heç bir ölüm faktı qeydə alınmayıb.
