ABŞ administrasiyası bəzi Avropa ölkələri ilə “Ukraynaya yüksək hündürlükdə hava hücumundan müdafiə sistemi göndərilməsi” ilə bağlı müzakirələri davam etdirir.
Millətin Səsi.az xəbər verir ki, bu barədə ABŞ Müdafiə Nazirliyinin (Pentaqon) sözçüsü Con Kirbi açıqlama verib.
Bu günə qədər ABŞ Ukrayna ordusunu yalnız helikopterləri və alçaqdan uçan təyyarələri hədəf almağa imkan verən “Stinger” raket əleyhinə komplekslər verib.
İndi o, yüksək hündürlükdə uçan təyyarələri hədəfə ala bilən sistemlər verə bilər ki, bu da Rusiya hava qüvvələrinə qarşı daha təsirli ola bilər. ABŞ-ın görüşdüyü ölkələr arasında Slovakiya seçilir.
Slovakiya daha əvvəl S-300 raketdən müdafiə sistemlərini Ukraynaya göndərə biləcəyini bildirmişdi; Bunun müqabilində o, ölkəyə fərqli raketdən müdafiə sisteminin yerləşdirilə biləcəyini açıqlayıb.
Ukraynada S-300-dən istifadə üçün təlim keçmiş personal var.
Kirbi yüksək hündürlükdə müdafiə sistemi ilə bağlı açıqlama verərkən heç bir ölkənin adını çəkməyib. O, sadəcə olaraq bildirib ki, “ABŞ bəzi ölkələrlə müdafiə modelləri, o cümlədən Ukrayna ordusunun rahatlıqla istifadə edə biləcəyi uzaq mənzilli zenit müdafiə sistemləri ilə bağlı fəal danışıqlar aparır”.
