İtaliyanın “Napoli” klubunun futbolçusu Xviça Kvaratsxeliyanın evi qarət edilib.
“Report”un yerli mətbuata istinadən məlumatına görə, hadisə ötən gün – neapol təmsilçisinin İngiltərədə “Liverpul”a qarşı keçirdiyi UEFA Çempionlar Liqasının qrup mərhələsinin VI tur oyunu zamanı baş verib.
Gürcüstanlı vingerin villasına daxil olan soyğunçular onun şəxsi avtomobilini oğurlayıblar.
Hazırda polis məsələ ilə bağlı araşdırma aparır.
