Xalq və hakimiyyət “Qarabağ – Azərbaycandır” dedi və bunu etdi.
Modern.az xəbər verir ki, rusiyalı politoloq, Siyasi Araşdırmalar İnstitutunun direktoru Sergey Markov AzərTAC-a müsahibəsində Azərbaycan Prezidenti, Müzəffər Ali Baş Komandan İlham Əliyevin və Birinci vitse-prezident Mehriban xanım Əliyevanın Qarabağın azad edilməsi ideyası ətrafında xalqın birləşməsində rolunu qeyd edib.
“Prezident İlham Əliyevin və Birinci vitse-prezident Mehriban xanım Əliyevanın Azərbaycan xalqının iradəsinin cəmləşməsində, xalq və hakimiyyətin “Qarabağ – Azərbaycandır” deməsi və bunu etməsində böyük rolu var”, – deyə S. Markov bildirib.
O vurğulayıb ki, Azərbaycan xalqı başına gətirilən fəlakətin vurduğu zərbələrin öhdəsindən qürurla gələrək bu gün Zəfər Gününü qeyd edir.
“Prezident İlham Əliyevin məşəl kimi daşıdığı qalibiyyət ruhu daim yaşayacaq və Azərbaycan idmançıları olimpiadalarda daha çox qələbə qazanacaq, iş adamları isə müxtəlif layihələri reallaşdırmaq üçün Azərbaycana gələcəklər. Arzu edirəm ki, Qarabağ minalardan təmizlənsin, dağıntılardan azad olsun və müasir iqtisadiyyat modelinə çevrilsin. Torpaqlarından qovulan ailələr öz doğma ocaqlarına qayıda bilsinlər, Bakıya gəldiyi kimi, dünyanın hər yerindən Qarabağa da turistlər gəlsinlər”, – deyə politoloq əlavə edib.
