G20 sammitində iştirak üçün İndoneziyaya səfər edəcək Çinin dövlət başçısı Si Cinpin ABŞ prezidenti Co Bayden və Fransa lideri Emmanuel Makronla görüşəcək.
Modern.az xarici KİV-ə istinadən xəbər verir ki, bu barədə Çin Xarici İşlər Nazirliyinin sözçüsü Hua Çuninq bildirib.
İndoneziya Prezidenti Coko Vidodonun dəvəti ilə Si Cinpin noyabrın 14-dən 17-dək Bali şəhərində keçiriləcək G20-nin 17-ci sammitində iştirak edəcək.
Çin Mərkəzi Televiziyasının yaydığı bəyanatda Hua Çunyinq “Sammit zamanı Si Cinpin Fransa prezidenti Makron, ABŞ prezidenti Bayden, Seneqal prezidenti Sall və Argentina prezidenti Fernandes ilə ikitərəfli görüşlər keçirəcək” deyib.
