Avropa Parlamentinin siyasi qrupları Rusiya Federasiyasının terrorizmin himayədarı dövlət kimi tanınmasına dair qətnamə layihəsinin mətnini razılaşdırıblar.
Avropa Parlamentinin üzvü Andrius Kubilius “Twitter” hesabında “Avropa Parlamentinin siyasi qrupları arasında 4 saat davam edən danışıqlardan sonra mətn üzrə razılıq əldə olunub” deyib.
Kubilius xüsusilə qeyd edib ki, qətnamə layihəsinin əsas məqamı belədir: “Avropa Parlamenti… Rusiyanı terrorizmin himayədarı və terror vasitələrindən istifadə edən dövlət kimi tanıyır”.
Avropa Parlamentinin saytında xəbər verildiyi kimi, Strasburqda növbəti iclas noyabrın 21-24-də keçiriləcək.
