Beynəlxalq Futbol Federasiyası (FIFA) Qətərdə keçirilən dünya çempionatından 10,5 milyard dollar gəlir əldə edib ki, bu da 2018-ci ildə Rusiyanın ev sahibliyi etdiyi turnirdə olduğundan 1 milyard dollar çoxdur.
Modern.az xəbər verir ki, bu barədə FIFA prezidenti Canni İnfantino jurnalistlərə açıqlamasında deyib.
Xatırladaq ki, futbol üzrə növbəti dünya çempionatı noyabrın 20-də start götürüb. Dekabrın 17-də Mərakeş və Xorvatiya yığmaları üçüncü yer uğrunda mübarizə aparacaqlar. Dekabrın 18-də isə çempionluq titulu uğrunda Argentina və Fransa komandaları arasında final oyunu keçiriləcək. Hər iki qarşılaşma Bakı vaxtı ilə saat 19:00-da başlayacaq.
