Qazaxıstan prezidenti Kasım-Jomart Tokayev Türk Dövlətləri Təşkilatının (TDT) baş katibi Kuban Omuraliyevi qəbul edib.
Modern.az xəbər verir ki, Omuraliyev bu barədə tviter səhifəsində məlumat verib.
“Bu gün Qazaxıstan prezidenti cənab Kasım-Jomart Tokayev tərəfindən qəbul olundum. Cənab Tokayevlə Səmərqənddə keçirilən zirvə toplantısını dəyərləndirdik. Təşkilatımızın strukturunun gücləndirilməsi ilə bağlı dəyərli fikirlərini qeyd götürdük. Qəbul üçün təşəkkürlərimi çatdırıram”, – deyə baş katib yazıb.
