Rusiyanın tanınmış astroloqu Tamara Qloba 2023-cü ildə gözlənilən dəyişikliklərdən danışıb.
Modern.az Rusiya KİV-nə istinadən xəbər verir ki, Tamara Qloba dovşan ilinin çətin, hər cür eniş-yoxuşlarla dolu olacağını vəd edib.
Xatırladaq ki, Tamara Qloba 1980-ci illərin yenidənqurmasını, 2010-cu ildə Rusiyada baş verən yanğınları, birinci çeçen müharibəsinin başladığı günü və 2018-ci ildə dünya çempionatının Rusiyada keçiriləcəyini proqnozlaşdıran məşhur astroloq kimi tanınıb.
Onun sözlərinə görə, bütün narahatlıqlara baxmayaraq, gələn ildə cəsarət mükafatlandırılacaq və öz ətrafında güclü və ahəngdar bir dünya qurmaq bacarığı zamanın təlatümünü dəf etməyə kömək edəcək.
Astroloq insanları terror hadisələri ilə bağlı xəbərdarlıq edib: “Yeni il ərəfəsində terror aktları, partlayışlarla bağlı təhlükələr var. Bu hadisələrlə bağlı hər şeydə diqqətli olmaq lazımdır.
Onun proqnozuna görə, bütün dünyada miqrasiya çox sürətlə genişlənəcək.
Rusiyaya giriş-çıxışa müvəqqəti məhdudiyyətlərin gözlənildiyin i deyən Qloba ölkəni tərk etmək istəyənlər üçün bunu 2023-cü ilin birinci yarısında etməyi məsləhət görüb. Sonradan dövlətlər arasında gediş-gəliş problemli olacaq.
“Gələn il İsrail özünü miqrasiyadan və lazımsız insanlardan fəal şəkildə müdafiə edəcək. Çin də özünü təcrid etməyə, sərhədləri bağlamağa çalışacaq”, – astroloqdeyib.
Tamara Qloba 2023-də valyuta-maliyyə dalğalanmalarını gözləyir. O, 2023-cü ilin ikinci yarısında dolların ucuzlaşacağnı proqnozlaşdırır. Deyir ki, 2025-2026-cı illərdə isə avro və dolların çökməsi ehtimalı olduqca yüksəkdir.
2023-də Avropa qışda ən çətin günlərini yaşayacaq. İlin ortasında o, qisas almağa çalışacaq. Astroloqun fikrincə, bu, sağalmaq üçün fürsət verəcək.
“Almaniya danışıqlarda böyük rol oynayacaq. Qəribə də olsa, Avstriya da həmçinin. Skandinaviya ölkələri ilin ikinci yarısında özlərini hiss etdirəcəklər”, – Qloba bildirib.
Astroloq deyib ki, nüvə müharibəsi olmayacaq. Bununla belə, nüvə sızması mümkündür.
Onun sözlərinə görə, yanvardan mart ayına qədər olan dövr Rusiya üçün ən vacib dövr olacaq: o, digər dövlətlərlə münasibətlərinin bundan sonra necə inkişaf edəcəyini müəyyən edəcək.
Münaqişələrin diplomatik yolla həlli və sülh müqavilələrinin imzalanması ehtimalı ilin ortalarında – iyunda meydana çıxacaq. Belə bir məqam mart ayında da ola bilər. Astroloq bu dövrü başqa bir müvəqqəti barışıq adlandırdı.
Qarşıdakı 12 ayda ailənizin və sağlamlığınızın qayğısına qalmağınızdan əmin olmalısınız. Yazın sonu, payızın əvvəli “məhsul vaxtı” olacaq. O dövrlərdə “maliyyə yastığı” formalaşdırmaq, müəyyən ehtiyatlar yaratmaq lazımdır, çünki oktyabrın ortalarından etibarən bütün dünya əhəmiyyətli maddi çətinliklərlə üzləşəcək.
“Bilirsiniz, 2023-cü il nə üçün maraqlıdır? Yaradıcılıq üçün maraqlıdır. Yeni imkanlar, bayramlar və birliklər arzuları üçün maraqlıdır”, – astroloq bildirib.
Qloba 2023-də toy bumu proqnozlaşdırır. O deyib ki, insanlar fəal şəkildə evlənməyə və uşaq sahibi olmağa çalışacaqlar.
