Amerikalı milyarder, “Meta” şirkətinin sahibi Mark Zukerberq Kaliforniyada keçirilən ilk Braziliya Ciu-Citsu yarışında qızıl və gümüş medallar qazanıb.
Modern.az xəbər verir ki, bu barədə biznesmen öz “İnstaqram” səhifəsində məlumat verib.
38 yaşlı milyarder COVID-19 pandemiyası zamanı döyüş sənətinə yiyələndiyini deyib və onunla işləyən məşqçilərə təşəkkür edib.
“The Guardian” qəzeti qeyd edib ki, Zukerberq də ciu-citsuya valeh olan məşhurlar siyahısına əlavə edilib. Əvvəllər aktyor Tom Hardi bu idman növü ilə məşğul olmağa başlayıb, o, Böyük Britaniyada ciu-citsu yarışlarında iştirak edib,
Nəşr əlavə edib ki, 10 ildən çox əvvəl ciu-citsu ilə məşğul olan aktyor Eşton Katçer bu idman növündə qəhvəyi kəmərə, aktyor Ceyson Steytem isə bənövşəyi kəmərə malikdir.
