“Düdelanj”ın Avropa Liqasının qrup mərhələsində APOEL,”Qarabağ” və “Sevilya” ilə “Jozi Bartel” stadionunda keçiriləcək ev oyunları üçün biletlərin qiyməti açıqlanıb.
Milletinsesi.az-ın Lüksemburq mətbuatına istinadən yaydığı xəbərə görə, qiymətlər sektorlardan asılı olaraq 75, 100 və 150 avro arasında dəyişəcək.
Əvvəlcə sentyabrın 13-də “Qızıl kart”, abunə və ya üzvlük kartı olanlar üçün bilet satışı başlanacaq. Qalan biletlər isə sentyabrın 14-ü satışa çıxarılacaq.
Xəbərdə həmçinin klub rəhbərliyinin “Sevilya” və “Qarabağ”la səfər matçlarına azarkeş aparmağı planlaşdırdığı vurğulanıb. Bununla bağlı məlumat veriləcəyi bildirilib.
