1950-2019-cu illər aralığında ABŞ-ın İllinoys ştatında 1997 uşaq 451 katolik ruhanisi tərəfindən cinsi istismara məruz qalıb.
Modern.az xəbər verir ki, bu barədə ştatının Baş Prokurorluğu tərəfindən aparılan və ötən gün dərc edilən araşdırma materialında bildirilib.
“Prokurorlarım və müstəntiqlərim yeparxiyaların saxladığı 100.000 səhifədən çox sənədləri araşdıraraq minlərlə yepiskopun faylını nəzərdən keçirdilər. Onlar saatlarla yeparxiya rəhbərliyi və onun nümayəndələri ilə müsahibələr aparıblar. Araşdırma zamanı sağ qalanlarla e-poçt, məktublar, səsli mesajlar, müsahibələr və telefon zəngləri vasitəsilə 600-dən çox gizli əlaqə qurulub”,- Baş prokuror Kvame Raul deyib.
O vurğulayıb ki, istintaq hesabatında 451 din xadiminin adları və digər məlumatlar yer alıb:
“Katolik ruhaniləri tərəfindən uşaqlara qarşı cinsi zorakılıqdan sağ çıxanların çoxu heç vaxt ədalət əldə edə bilməyəcək. Çünki cinayət əməllərinin üzərindən xeyli vaxt keçib”
