ABŞ Mərkəzi Komandanlığı “Dark Eagle” hipersəs raketlərinin İrana qarşı potensial istifadəsi üçün Yaxın Şərqə yerləşdirilməsini xahiş edib.
Millətin Səsi.az Bloomberg mənbələrinə istinadən bildirir ki,. Agentliyin məlumatına görə, bu tələb təsdiq olunarsa, ABŞ-ın hipersəs raketlərini ilk dəfə yerləşdirməsi olacaq. Mərkəzi Komandanlıq öz xahişini İranın raket buraxılış qurğularını 300 mil (təxminən 482 kilometr) mənzilli ballistik raketin məsafəsindən kənara çıxardığını bildirməklə əsaslandırıb. Bununla belə, İrana qarşı əməliyyatlar zamanı hipersəs silahlarının yerləşdirilməsi ilə bağlı qərar hələ qəbul edilməyib, mənbə əlavə edib.
ABŞ və İsrail fevralın 28-də İrana qarşı hərbi əməliyyata başlayıb.Aprelin 7-də ABŞ prezidenti Donald Tramp İranla iki həftəlik atəşkəs elan edib. İran tərəfinin məlumatına görə, müharibənin 40 günü ərzində ABŞ-İsrailin İrana hücumları nəticəsində 3375 nəfər həlak olub. Aprelin 11-də İran və ABŞ İslamabadda danışıqların bir neçə raundu keçirib, lakin sonradan hər iki tərəf bir sıra ziddiyyətlər səbəbindən münaqişənin uzunmüddətli həlli ilə bağlı razılığa gələ bilməyiblər. Aprelin 21-də Tramp İranla atəşkəsi uzatmaq niyyətində olduğunu açıqlayıb. Bu arada İran dövlət televiziyasının məlumatına görə, Tehran Vaşinqtonun atəşkəsi birtərəfli uzadmasını tanımır və öz maraqları üçün lazım bildiyi kimi hərəkət edəcək.
