AMEA-ya yeni vitse-prezident seçildi

AMEA-ya yeni vitse-prezident seçildi

Azərbaycan Milli Elmlər Akademiyasının (AMEA) illik Ümumi yığıncağı keçirilir.

Milletinsesi.az xəbər verir ki, yığıncaqdan öncə Prezident Administrasiyasının rəhbəri, akademik Ramiz Mehdiyev, Baş Nazirin müavini, hakim Yeni Azərbaycan Partiyası sədrinin müavini-icra katibi Əli Əhmədov, Təhsil naziri Ceyhun Bayramov, Prezident Administrasiyasının Humanitar siyasət məsələləri şöbəsinin müdiri Fərəh Əliyeva, ali məktəb rektorları və digər rəsmi şəxslər, ziyalılar elmi nailiyyətlər sərgisini ziyarət ediblər.

Yığıncaqda AMEA Rəyasət Heyətinin 2018-ci ildəki elmi və elmi-təşkilati fəaliyyəti haqqında hesabat məruzəsi dinləniləcək, həmçinin ötən il akademiyada müxtəlif istiqamətlərdə görülən işlər və əldə olunan nailiyyətlər, həyata keçirilən layihələr haqqında məlumat veriləcək.

Bundan əlavə, 2019-cu ilin BMT-nin Baş Assambleyası tərəfindən “Beynəlxalq Kimyəvi Elementlərin Dövri Sistemi Cədvəli İli” elan olunması ilə əlaqədar tədbirdə D.İ.Mendeleyevin “Kimyəvi Elementlərin Dövrü Qanunu”nun kəşfinin 150 illiyinə həsr olunan elmi sessiya və AMEA Kimya Elmləri Bölməsinin akademik-katibi vəzifəsinə seçki keçiriləcək.

***

Azərbaycan Milli Elmlər Akademiyasının (AMEA) bu gün keçirilən İllik Ümumi Yığıncağında vitse-prezidentlik vəzifəsinə gizli səsvermə olub.

Səsvermə nəticəsində bu vəzifəyə akademik Rasim Əliquliyev seçilib.

Share: