Fransa Prezidenti Emmanuel Makron Əlcəzairdən üzr istəməyəcəyini bildirib
Modern.az xəbər verir ki, bu barədə o, “Le Point” qəzetinə müsahibəsində deyib.
Makron iki ölkəni barışdırmaq yolunda birgə səyləri davam etdirmək üçün əlcəzairli həmkarı Abdelmacid Tebbunu ilə görüşmək istədiyini vurğulayıb.
“Mən üzr istəməyə ehtiyac görmürəm. Məsələ bu deyil. Belə jest bütün əlaqələri qıra bilər”, – deyə Fransa lideri bildirib.
Qeyd edək ki, Fransanın Əlcəzairdə müstəmləkəçilik siyasəti yürüdüb, yerli xalqa qarşı qətliam törədib. Qırğınlar 1 milyon 500 min vətəndaşının ölümü ilə nəticələnib.
