Ofislərdə əməkdaşların kamera nəzarəti altında işlədilməsi, demək olar ki, 8-9 saat ərzində onların hər bir hərəkətinin müşahidə edilməsi müzakirə mövzusuna çevrilib. “TikTok”da bu barədə yayılan videolarda özünü mütəxəssis kimi tanıdan şəxslər iddia edirlər ki, iş yerlərində işçiləri kamera vasitəsilə güdmək, onları daim izləmək hüquq pozuntusudur. Tövsiyə edilir ki, belə halla qarşılaşan vətəndaşlar əvvəlcə müdriyyətə etirazlarını çatdırsınlar. Əgər bu yolla məsələ həllini tapmazsa, o zaman hüquq müstəvisində mübarizə davam etdirilsin, ofisin, şirkətin rəhbərindən təzminat tələb olunsun.
