Ukraynada AFP informasiya agentliyinin videojurnalist 35 yaşlı Dilan Kollins yaralanıb.
Millətin Səsi.az xəbər verir ki, bu barədə hücumun şahidi olan AFP müxbirləri məlumat verib.
O, Donetsk vilayətindəki Baxmut yaxınlığında yerləşən meşədə Ukrayna artilleriyasının mövqeyindən reportaj hazırlayarkən PUA hücumu nəticəsində xəsarət alıb.
Qeyd olunur ki, cənab Kollins çoxsaylı qəlpə yaraları alıb, o, ən yaxın xəstəxanaya çatdırılıb, huşunu itirib.
Kollinsi müayinə edən həkimlər onun həyatının təhlükədə olmadığını bildiriblər.
Livanda yaşayan ABŞ vətəndaşı olan jurnalist 2018-ci ildən AFP-də işləyir və hazırda agentliyin Livan və Suriya üzrə video koordinatorudur. O, Yaxın Şərqdə münaqişə zonalarında geniş işləyib və 2020-ci ildə Qarabağ müharibəsini işıqlandırıb
