Yeni Moskva ərazisində “Crocus City Hall” konsert zalında terror aktı qurbanlarının xatirəsinə ucaldılmış abidə yandırılıb.
Moderator.az bu barədə “Gazeta.ru”ya istinadən xəbər verir.
Məlumata görə, naməlum şəxslər aprelin 5-nə keçən gecə yerli sakinlər tərəfindən ucaldılmış abidəni yandırıblar.
Xatırladaq ki, martın 22-də axşam saatlarında “Crocus City Hall”da terror aktı baş verib. Əlisilahlı dörd nəfər konsertə gələnlərə atəş açıb, partlayış törədib, daha sonra kompleksdə yanğın başlayıb. Terrorçular həbs olunublar. İstintaq davam edir.
