ABŞ prezidenti Donald Tramp Çin lideri Si Tszinpinə ABŞ, Çin və Rusiyanın Beynəlxalq Cinayət Məhkəməsinə (ICC) qarşı çıxmaq üçün güclərini birləşdirməyi təklif edib.
Millətin Səsi.az xəbər verir ki, bu barədə Financial Times iki liderin danışıqları ilə tanış olan mənbələrə istinadən məlumat yayıb.
Qəzetin yazdığına görə, Tramp Çinə son səfəri zamanı əməkdaşlıq məsələsini qaldırıb. Onun sözlərinə görə, BCM ilə bağlı üç ölkənin ümumi maraqları var.
Ağ Ev bu xəbəri şərh etməkdən imtina edib. Bununla belə, məqaləyə görə, Vaşinqton əvvəllər BCM-ni kəskin tənqid edib, onu siyasiləşmədə, səlahiyyətlərini aşmaqda və ABŞ-ın suverenliyinə qəsd etməkdə ittiham edib. Nəşr Pekindən heç bir rəsmi cavaba istinad etməyib.
Keçən il fevralın 7-də Tramp BCM hakimlərinə qarşı sanksiyaların tətbiq edilməsi haqqında sərəncam imzalayıb. ABŞ administrasiyası Haaqa məhkəməsini Vaşinqtona və onun müttəfiqlərinə, o cümlədən İsrailə qarşı qanunsuz hərəkətlərdə ittiham edib.
