“Mançester Yunayted” 2000 qolla Premyer Liqanın tarixinə düşdü

İngiltərə Premyer Liqasının 10-cu turunda “Norviç” üzərində qələbə (3:1) “Mançester Yunayted” üçün əlamətdar olub.

Qol.az xəbər verir ki, “qırmızı şeytanlar” sözügedən qarşılaşmada Premyer Liqada bir ilkə imza atıblar.

Oyunda hesabı açan Skott Maktomineyin vurduğu qol “Mançester Yunayted” üçün Premyer Liqa tarixində 2000-ci olub. “Mankunyanlar” Premyer Liqada 2000 qol sayına çatan ilk komanda olub.

Qeyd edək ki, “Mançester Yunayted”in Premyer Liqa tarixində ilk qolunu Mark Hyuz, 500-cünü Endi Koul, 1000-cini Kriştiano Ronaldo, 1500-cünü isə Dmitar Berbatov vurmuşdu.

Share: