Ukraynanın Rusiya tərəfindən ilhaq olunmuş Krım yarımadasında yenidən zəlzələ qeydə alınıb.
Modern.az xəbər verir ki, bu barədə Avropa-Aralıq dənizi seysmoloji mərkəzi məlumat yayıb.
Bildirilib ki, Sevastopoldan (Aqyar) 59 kilometr məsafədə baş verən yeraltı təkan Rixter şkalası üzrə 4.6 ballıq maqnituda ilə qiymətləndirilib.
Ocağı yerin 10 kilometr dərinliyində yerləşən zəlzələdən sonra itki və dağıntılar barədə məlumat verilməyib.
Silkələnmə Qara dənizdə də hiss olunub.
